Sony Digital Paper целосно ќе ја замени хартијата

Објавено на 01.04.2014 во Новости



Sony Digital Paper целосно ќе ја замени хартијата

Sony неодамна го промовираше новиот E-Ink таблет Sony Digital Paper кој има за цел да ја земени хартијата од употреба и е наменет за фирмите, организациите, владините и образововните институции каде премногу се трупа хартија за документи.
 
 
Sony Digital Paper има 13 инчен екран и одговара на А4 формартот на лист хартија кој најчесто се користи за изработка на документи и преку таблетот тие може да се уредуваат во електронска форма со што треба да им донесе големи заштеди за печатење на корисниците. 
 
 
Таблетот е тенок само 7 милиметри и дизајнот е уште подобар благодарение на лесниот дисплеј изработен од пластика. Документите се прикажуваат во Adobe PDF форматот и може да се внесува текст преку функционалното Stilus пенкало. Цената на Sony Digital Paper изнесува 1100 долари, што е прилично високо за ваков уред и негативните коментари велат дека за помала сума може да се купат таблети како iPad, Samsung Galaxy Note и Windows уреди кои се одлични за работа со секаков вид на документи и имаат бројни додатоци.