Android и Chrome ќе се спојат во една платформа

Според најновите информации Google работи на Project Hera со што ќе се овозможи спојување на мобилната и веб платформата на Android, Google Chrome и Google Search во еден едноставен производ кој ќе може да се користи и од смартфон и од компјутер.

 

 

За да се оствари овој план потребно е унифицирање на HTML 5 кодот на различните платформи при што апликациите за Google Chrome лесно ќе се трансформираат во целосно функционални апликации за Android, а исто така корисниците ќе добијат многу поедноставен интерфејс без оглед на која платформа во моментот работат.

 

 

Со Project Hera ќе се забрзаат сите операции, а во едно мени ќе се прикажуваат сите мултитаскинг апликации, заедно со посебна лента на која ќе бидат издвоени информациите за корисникот. Project Hera најверојатно ќе биде готов со пласманот на следната верзија на Android 4.5.