iPhone направи партали - iPad разочара
Објавено на 25.04.2014 во Новости
Apple ги објави кварталните финансиски извештаји според кои смартфонот iPhone ги надминал очекувањата и достигнал бројка од неверојатни 43 милиони примероци, многу повеќе од претпоставените 38 милиони. Но, бројките не се така розови за Apple бидејќи таблетите од серијата iPad потфрлиле и од очекуваните 19 милиони примероци се продале само 16 милиони.
Тим Кук главниот извршен директор на Apple презентирајќи го извештајот одговараше на повеќе прашања на аналитичарите и оцени дека повеќе фактори влијаеле врз продажбата на таблетите iPad, како што се новите големи фаблети со кои полека ги заменуваат корисниците, а голема улога има и самата стратегија на компанијата со понудата на три различни модели.
Што се однесува на продажбата на смартфони тука Apple навистина доминира и го одржува на високо ниво интересот кај купувачите што остава голем простор да се очекува сличен успех да постигне новиот iPhone 6 кој ќе донесе многу промени и подобрувањa, како што е поголем 4.7 инчен екран, па затоа Apple уште сега порачал околу 90 милиони примероци за навреме да одговори на побарувачката.
Текстот не смее да се печати или емитува, во целина или во делови без договор со Telefoni.mk.