Апликациите на CyanogenMod бесплатно за Android
Објавено на 21.05.2014 во Android
CyanogenMod е еден од најпопуларните кустомизирани оперативни системи базирани на Android со огромна база на корисници, но и програмери кои постојано се ангажирани и лансираат нови надградби и различни сервиси.
За да го користите CyanogenMod треба да направите Root на вашиот смартфон, но доколку не ви се ризикува или едноставно не сакате да трошите време на оваа постапка има многу поедноставен начин преку инсталирање на најновите CyanogenMod апликации од официјалната база Google Play Store, што значи дека се е легално (барем засега) и процедурата е вообичаена како и за било кои други апликации.
Во Google Play може да го најдете пакетот CyanogenMod Apps во кој се вклучени најпознатите поединечни сервиси како музичкиот плеер Apollo, виџет за часовникот, снимач на звук, File Manager, DSP Manager, Torch, Trebuchet, позадини и многу други интересни додатоци.
Текстот не смее да се печати или емитува, во целина или во делови без договор со Telefoni.mk.