Официјално iOs 8 - Еве што е ново
Објавено на 02.06.2014 во iOs
Apple денес ја одржа традиционалната конференција на партнери и девелопери WWDC 2014 на која како што претпоставувавме фокусот ќе биде ставен на софтверот, а не на хардверот, што значи дека iPhone 6 ќе почека за кратко, па затоа да видиме што е ново во надградената верзија на оперативниот систем iOs 8.
Известувањата се најважниот дел при користење на смартфон или таблет, па токму затоа iOs 8 фаќа чекор со конкуретниот Android и на корисникот ќе му нуди слична услуга при што со брза активација, од врвот кон дното на екранот може да видите што има ново, дали е тоа пропуштен повик или порака, или пак некој нов коментар на Facebook, сега ќе може директно да превземете акција и веднаш да одговорите.
Мултитаскингот секако е еден од најважните елементи, па затоа во iOs 8 се воведни нови корисни алатки, како приказ на посебно мени со најчесто користени контакти при што ќе може да прегледувате пораки и да иницирате повик преку FaceTime.
Еден од посебните новитети е софтверската алатка iCloud Drive преку која на едно место iOs 8 корисниците ќе може да ги синхронизираат сите документи без оглед на која платформа ги креирале, како на пример документи од Windows, Mac или iOs уреди и до нив да имаат пристап во било кое време преку една корисничка iCloud сметка.
Ова се само дел од екстра новитетите во софтверската платформа која работи со уредите iPhone, iPad и iPod, што значи дека во текот на останатите четири дена на WWDC 2014 очекуваме уште многу квалитетни промени, како и повеќе детали во поглед на компатибилноста со постарите Apple уреди и дали дел од новите сервиси ќе се наплаќаат или ќе бидат бесплатни.
Автор
Христијан Станоевиќ
Текстот не смее да се печати или емитува, во целина или во делови без договор со Telefoni.mk.