Samsung Galaxy Tab S - Најмоќните таблети досега
Објавено на 13.06.2014 во Новости
Samsung Mobile ги претстави двата ѕверски таблети од новата Samsung Galaxy Tab S серија која по долго исчекување ќе донесе екстра Super AMOLED дисплеи со 2K HD резолуција од 1600 x 2560 пиксели. Серијата Samsung Galaxy Tab S е составена од 8.4 и 10.5 инчен екран и многу моќен хардвер, како и супер ефикасен дизајн.
Samsung Galaxy Tab S е еден од најтенките таблети на пазарот со дебелина на телото од само 6.6 милиметри, помалиот 8.4 инчен модел тежи само 294 грама, додека поголемиот 465 грама. Samsung Galaxy Tab S работи на осум-јадрениот Exynos 5 Octa процесор во комбинација со четири+четири јадра со работен такт од 1.9GHz и 1.3GHz, потоа имаат 3 GB RAM, батерија со капацитет од 4900mAh и 7900mAh, како и вградени скенери за отпечатоци.
Таблетите го користат оперативниот систем Android 4.4 KitKat, како и новиот интерфејс Magazine UI кој доаѓа со неколку софтверски додатоци меѓу кои и Content Home за пристап до различни мултимедијални и забавни содржини, потоа Kid's Corner за посебен режим на работа за најмладите и SideSync за синхронизирана работа со други електронски уреди.
За фановите на сликањето ќе послужи 8 мегапикселната камера со LED блиц. Samsung Galaxy Tab S 8.4 Wi-Fi моделот чини 399 долари, Tab S 10.5 Wi-Fi 499 долари, а наскоро се очекува и нивна LTE верзија која ќе се продава во Европа во јули.
Текстот не смее да се печати или емитува, во целина или во делови без договор со Telefoni.mk.
