Со Litely до филмски ефекти за сликите

Објавено на 17.06.2014 во iOs



Со Litely до филмски ефекти за сликите

Litely е една од најновите апликации која нуди различни филтри за камерата и веднаш ги освои симпатиите на корисниците, но и на професионалците кои ја оценуваат како една од ретко добрите апликации за уредување на слики со одличен дизајн.
 
 
Преку Litely може да ги менувате вашите омилени слики со различен сет на ефекти кои ќе го истакнат вашето лице или пак позадината, со менување на осветленоста, контрастот, палетата на бои и острината. Сликите исто така може да ги кратите, без оглед на нивниот формат и крајниот резултат може веднаш да го споделите на Instagram или другите социјални мрежи.
 
 
Litely за почеток има 9 пакети со различни сцени, додека уште 36 додатоци се доплаќаат, но основната верзија на апликацијата е бесплатна, може да се превземе од App Store за iOs и сигурно ќе ви даде огромен избор за подобрување на вашите слики.