Официјално Samsung Gear Live - Евтин смарт часовник со Android Wear

Објавено на 26.06.2014 во Смарт часовници



Официјално Samsung Gear Live - Евтин смарт часовник со Android Wear

Samsung Mobile сепак се приклучи на големото старо друштво и му го направи меракот на Google со нов смарт часовник Samsung Gear Live кој ќе ја користи посебната Android Wear софтверска платформа за преносни уреди и за разлика од веќе добро познатите конкуренти како LG G Watch и Motorola Moto 360 ќе биде нешто поевтин со само 199 долари.
 
 
Samsung Gear Live има слични карактеристики како Samsung Gear Neo со 1.6 инчен Super AMOLED дисплеј со резолуција од 320 x 320 пиксели, но работи на многу помоќен четири-јадрен Qualcomm Snapdgragon 400 процесор од 1.2 GHz, 512 MB RAM, 4 GB меморија и батерија со капацитет од 300mAh. Смарт часовникот го исполнува IP67 сертификатот за отпорност на вода и прашина и има вграден Heart Rate сензор.
 
 
Samsung Gear Live е прилично компактен часовник со 37.9 x 56.4 x 8.9 милиметри и тежина од 59 грама, а ременчето ќе има црна и црвена боја. Секако најинтересен момент кај часовникот е примената на Android Wear системот кој ќе биде многу ефикасен, лесно ќе се синхронизира со работата на смартфонот и ќе понуди повеќе смарт функции. Samsung Gear Live влегува во продажба кон средина на летото и веќе може да се резервира преку Google Play Store.