И BlackBerry има своја Siri
Објавено на 17.07.2014 во Blackberry
Канадската компанија BlackBerry долго време го држеше во фиока гласовниот асистент за смартфоните кој беше делумно откриен уште во 2013 година, но дури сега е целосно подготвен за примена во оперативниот систем.
Според првичната најава BlackBerry Assistant ќе функционира слично како и останатите гласовни апликации и ќе ви овозможи да активирате одредени сервиси или пак опции со гласовни команди, како на пример преместување на е-маил пораката во инбокс, да пребарува на интернет различни информации и податоци, како и да ви помогне во поставување на организациски задачи, потсетници, аларми и известувања.
Прв смартфон кој ќе работи со BlackBerry Assistant е неодамна најавениот BlackBerry Passport чија промоција ќе се случи кон почетокот на есента, а останатите корисници ќе ја добијат апликацијата со некоја од новите надградби на оперативниот систем BlackBerry 10.
Текстот не смее да се печати или емитува, во целина или во делови без договор со Telefoni.mk.