Alcatel OneTouch Flash е нов брз фаблет со ниска цена
Објавено на 02.09.2014 во Новости
Alcatel промовираше нов фаблет Alcatel OneTouch Flash кој може да му конкурира на Samsung Galaxy Note 3 Neo, што значи дека за пониска сума од околу 350 долари нуди солидни перформанси и квалитетен сетап на компоненти.
Alcatel OneTouch Flash има 5.5 инчен LCD IPS дисплеј со HD резолуција од 720 x 1280 пиксели, работи на осум-јадрен Mediatek процесор од 1.4 GHz, 1 GB RAM, 8 GB меморија, 13 мегапикселна главна и 5 мегапикселна предна камера, има батерија од 3100 mAh, а ја користи верзијата на Android 4.4 KitKat.
Во првото промотивно видео кое е наменето за азискиот пазар Alcatel OneTouch Flash се бори со „злобниот Note“ со што е сосема јасно дека Samsung Galaxy Note 3 Neo е фаблетот кој треба да биде поразен. Alcatel OneTouch Flash покрај во Азија од крајот на септември се очекува да пристигне и во Европа.
Текстот не смее да се печати или емитува, во целина или во делови без договор со Telefoni.mk.