Microsoft наскоро со наследник на Lumia 1020 со 41 MP камера
Објавено на 07.09.2014 во Новости
Microsoft Mobile работи на новиот премиум Windows Phone смартфон кој ќе биде наследник на успешниот Nokia Lumia 1020 кој привлече огромно внимание со PureView камерата од 41 мегапиксел и квалитетната градба, но сега фокусот ќе биде ставен на фаќање на приклучок со конкурентите од Android сегментот.
Засега се претпоставува дека премиум смартфонот ќе го носи името Lumia 1030 и ќе има 5 инчен Full HD дисплеј, ќе работи на нов четири-јадрен процесор на Qualcomm Snapdragon и ќе биде искористена нова PureView камера која не мора да има 41 мегапиксел, но ќе има нова апаратура и ефикасен софтвер за уште повисок квалитет.
Microsoft освен понудата на HTC One M8 Windows во овој момент нема нов премиум модел кој ќе биде доволно атрактивен за купувачите и затоа мора да побрза со нов смартфон, па наследникот на Nokia Lumia 1020 ќе биде добредојден.
Текстот не смее да се печати или емитува, во целина или во делови без договор со Telefoni.mk.
