Panasonic покажа како се прави камера-смартфон
Објавено на 16.09.2014 во Новости
Panasonic лансираше нова смарт дигитална камера Lumix DMC-CM1 која може да се пофали со рекордно голем сензор од 1 инч, потоа Leica леќа со широчина 28 милиметри и f/2.8 фокус, 20 мегапиксели резолуција, оптичка стабилизација, како и можност за снимање на видеа со 4K HD резолуција.
Panasonic Lumix DMC-CM1 располага со 4.7 инчен екран на допир со Full HD резолуција од 1080 х 1920 пиксели, четири-јадрен Qualcomm Snapdragon 801 процесор од 2.3 GHz, 2 GB RAM, 16 GB меморија слот за microSD картичка, LTE модем и батерија од 2600 mAh.
Телото на хибридниот камера-смартфон има дебелина од само 15.2 милиметри и е за нијанса потенок од конкурентот Samsung Galaxy K Zoom. Цената на Panasonic Lumix DMC-CM1 ќе изнесува околу 900 евра што се чини дека сепак е премногу, но љубителите на врвна фотографија нема да се двоумат да му дадат шанса.
Текстот не смее да се печати или емитува, во целина или во делови без договор со Telefoni.mk.
