Nexus Player е нов систем за забава до бесвест

Објавено на 16.10.2014 во Новости



Nexus Player е нов систем за забава до бесвест

Google постојано лансира нови производи и за прв пат влегува во светот на домашната забава со медиа плеерот Nexus Player кој се базира на Android TV системот надополнет со новиот Android 5.0 Lollipop интерфејс и со него може да ги користите апликациите, игрите и мултимедијалните содржни од Play Store. 
 
 
Nexus Player се поврзува со HD телевизор преку HDMI кабел, а преку Google Cast сите содржини може да ги пренесете и на Android и iOs смартфон или таблет, како и на десктоп и лаптоп компјутери кои работат на Windows, Mac и Linux.
 
 
Малиот Nexus Player се управува со Bluetooth далечински управувач за навигација низ менито и има голем број на додатоци што го претвораат во мобилна гејмерска конзола. Nexus Player работи на четири-јадрен Intel Atom процесор од 1.8 GHz, PowerVR 6 графичка, 1 GB RAM,8 GB меморија, Micro USB 2.0 порта и Wi-Fi конекција. 
 
 
Со Nexus Player ќе имате пристап и до Hulu, Netflix, Pandora, Vevo, iHeartRadio, како и до ТВ каналите Bloomberg TV, Food Network, HGTV, Haystack TV, Travel Channel, PBS Kids и многу други. Nexus Player ќе влезе во продажба од 17 октомври, а цената се уште не е откриена.

Текстот не смее да се печати или емитува, во целина или во делови без договор со Telefoni.mk.