Најавени убавите Samsung Galaxy A3 и Galaxy A5

Објавено на 31.10.2014 во Новости



Најавени убавите Samsung Galaxy A3 и Galaxy A5

Samsung ги најави првите два смартфони од новата алфа серија со големина 4.5 и 5 инчи, метални тела, квалитетна изработка и солидни компоненти во средната класа. Станува збор за Samsung Galaxy A3 и A5 чија цена се уште не е откриена, а нивниот пласман ќе започне од ноември.
 
 
Samsung Galaxy A3 е основниот смартфон од оваа нова серија со 4.5 инчен Super AMOLED дисплеј со qHD резолуција, работи на четири-јадрен процесор од 1.2 GHz, потоа има 1 GB RAM, 8 GB меморија, 8 мегапикселна главна и 5 мегапикселна предна камера, LTE конекција, батерија со капацитет од 1900 mAh, додека пак за софтверот е искористен Android 4.4 KitKat.
 
 
Вториот модел Samsung Galaxy A5 е нешто помоќен со 5 инчен Super AMOLED HD дисплеј, работи исто така на четири-јадрен процесор од 1.2 GHz чиј производител не е откриен, со 2 GB RAM, 16 GB меморија, слот за microSD картичка, 13 MP главна и 5 MP предна камера, LTE конекција, батерија од 2300 mAh. Дизајнот на Samsung Galaxy A5 е одличен и има многу тенко тело од 6.7 милиметри. 

Цената на Samsung Galaxy A3 и А5 се уште не е соопштена но, доколку надминува 300 долари уште сега може да ја оцениме новата Alpha серија како промашување бидејќи овие смартфони не нудат ништо ново и подобро во просечната среда класа.

Текстот не смее да се печати или емитува, во целина или во делови без договор со Telefoni.mk.