Откриена првата грешка во Android 5.0 Lollipop
Објавено на 14.11.2014 во Новости
Google започна со доставата на најновата верзија на оперативниот систем Android 5.0 Lollipop до своите Nexus смартфони и таблети, а му се приклучи и Motorola која ќе ја надгради Moto серијата. Дел од корисниците веќе го добија новиот софтвер и сосема разбирливо е да се најде и првата грешка која според извештаите е проблематична за Wi-Fi конекцијата.
Најголем дел од поплаките пристигнуваат од корисниците на Nexus 5 смартфонот кој да потсетиме и со претходните надградби покажуваше недостатоци. Грешката во системот се уште не е детектирана, но веднаш излегоа информации дека се подготвува исправка која ќе пристигне со верзијата 5.1 Lollipop и на тој начин ќе се надминат сите помали проблеми.
Текстот не смее да се печати или емитува, во целина или во делови без договор со Telefoni.mk.
