Samsung и BlackBerry заедно за безбедни смартфони

Објавено на 14.11.2014 во Новости



Samsung и BlackBerry заедно за безбедни смартфони

Samsung и Blackberry потврдија дека ќе соработуваат за поголема безбедност и заштита на податоците за корисниците на смартфон преку двете софтверски решенија Samsung Knox и Blackberry Enterprise Server 12. Samsung оцени дека сега најпопуларните Android смартфони и таблети ќе имаат целосна заштита, а со BES12 голем бенефит добиваат и компаниите во заштита на нивната деловна комуникација.
 
 
Ова партнерство е невообичаено бидејќи Samsung и BlackBerry се всушност големи конкуренти кога е во прашање понудата на безбеден софтвер за мобилна комуникација. Џон Чен извршниот директор на Blackberry дури претходно изјави дека Samsung Knox не е безбеден за користење. 
 
 
Без оглед на ривалството сега и двете компании ќе имаат бенефит од партнерството бидејќи може да понудат подобар софтвер кој полесно ќе се управува за одвојување на личната и деловната комуникација на работното место, заштита на доверливи фајлови, енкрипција при пренос на податоци и безбедно складирање на документи.