YotaPhone 2 доаѓа од Русија во декември
Објавено на 18.11.2014 во Новости
YotaDevices го објави официјалниот датум за пласман на новиот YotaPhone 2 кој е уникатен смартфон со два дисплеи на предната и задната површина и досега се проценува како вистинска руска гордост. Идејата за два дисплеи беше промовирана уште пред две години, но со YotaPhone 2 вистински се постигнува ефикасност на дизајнот, моќни компоненти и одлична функционалност.
YotaPhone 2 е составен од 5 инчен AMOLED дисплеј со Full HD резолуција на предната страна, додека пак одзади е поставен е-Ink дисплеј кој нема бои и значително ја штеди енергијата. Целта на е-Ink дисплејот е да ги погледнете известувањата, одредени информации и детали од апликациите, преглед на слики, читање на текст и други основни задачи.
Втората идеја за е-Ink дисплејот е што ќе служи како резерва бидејќи смартфоните се најосетливи токму на екранот кој при пад може да распука. YotaPhone 2 ќе чини околу 400 долари и неодамна Владимир Путин направи голема промоција при официјалната посета на Кина, каде исто така ќе биде продаван.
Текстот не смее да се печати или емитува, во целина или во делови без договор со Telefoni.mk.