Знаете ли дека има Android и за компјутер
Објавено на 28.11.2014 во Туториали
Во изминатите години беа изработени повеќе емулатори кои се користеа за инсталирање на Android на компјутер или лаптоп подржани од Windows. Сега, конечно се добива екстра квалитетен Android емулатор кој е компатибилен со Windows 7, 8, Vista и Windows XP.
За да добиете Android 4.4 KitKat потребно е да ја активирате страната на Bluestacks од каде ќе најдете посебен програм App Player со што ви се отвораат неверојатни апликации. Најпвро добивате exe. фајл за инсталација која е едноставна и за тоа имате цел водич.
Откако ќе заврши инсталацијата мора веднаш да ја притиснете иконата во левиот агол на Bluestacks за да не дојде до автоматски превземањa на надворешни апликации.
Следно ќе ви се појави порака дека апликациите не може да ги инсталирате бидејќи доаѓаат од надворешен извор и неовластен маркет.
За да продолжите со користење на App Player за Android игнорирајте ја пораката и почекајте надградбата да стапи на сила. Потоа треба да се регистрирате со Google корисничка сметка по што ќе добиете пристап до апликациите и игрите во Google Play, кои барем за почеток функциоираат беспрекорно.
За да се регистрирате со вашата корисничка сметка отворете го менито All apps > BlueStacks Settings > Advanced Settings > +Add account.
Текстот не смее да се печати или емитува, во целина или во делови без договор со Telefoni.mk.
