Google Drive сега работи директ со Office документи
Објавено на 17.12.2014 во Новости
Google Drive доби прилично голема надградба со новата верзија која ги подобрува основните апликации за работа со документи како Sheets, Slides и Docs, а меѓу покорисните додатоци е секако можноста директно да уредувате и документи и фајлови од Microsoft Office пакетот како Word, Excell и PowerPoint.
Главната замисла на Google Drive е да ви послужи како виртуелен хард диск каде ќе може да ги складирате и споделувате вашите документи, но со новите надградби фокусот се пренесува и на нивно уредување, како и можност да поставите дозвола и други лица да ги отвораат, прегледуваат и менуваат.
Една од најголемите предности на Google Drive е што имате пристап од било кој мобилен или десктоп уред, а на располагање ви се и многу додатоци од надворешни извори.
Текстот не смее да се печати или емитува, во целина или во делови без договор со Telefoni.mk.