Откриен поевтиниот BlackBerry Z20 Rio

Објавено на 25.12.2014 во Новости



Откриен поевтиниот BlackBerry Z20 Rio

BlackBerry се врати на патеките на успехот со одличниот BlackBerry Passport кој им се допадна на бизнисмените, па тоа беше доволен потик да изработат и поевтин смартфон за пошироката потрошувачка. За таа цел во фаза на развој е BlackBerry Z20 Rio кој ќе има екран на допир наместо физичка QWERTY тастатура.
 
 
Станува збор за втора генерација на моделот BlackBerry Z10 кој за жал воопшто не помина добро кај купувачите, па се надеваме дека овој пат BlackBerry ги научил своите грешки и ќе понуди поквалитетен смартфон со помоќни компоненти и нешто пониска цена. 
 
 
Според првичните информации BlackBerry Z20 Rio ќе има 5 инчен 720p HD дисплеј, четири-јадрен процесор од Qualcomm, 2 GB RAM, 16 GB меморија, 8 мегапикселна камера, батерија од 2,800mAh и 4G LTe конекција. BlackBerry Z20 Rio би требало да се појави во февруари, но цената се уште не е позната.