Samsung Galaxy A7 ќе му донесе бериќет на Samsung во 2015-та

Објавено на 30.12.2014 во Новости



Samsung Galaxy A7 ќе му донесе бериќет на Samsung во 2015-та

Samsung Mobile во 2015 година ќе настапи со новата Galaxy A серија на смартфони кои ќе се натпреваруваат во високата класа, а првиот модел кој ќе им биде достапен на купувачите ќе биде Samsung Galaxy A7. Претходно во средната класа веќе беа промовирани Samsung Galaxy A5 и Samsung Galaxy A3.
 
 
Како најава за оваа нова серија послужи одличниот смартфон Samsung Galaxy Alpha кој докажа дека Samsung има идеи за нов дизајн со метални елементи, тенко тело и моќни компоненти, па затоа нема да следат нови Alpha смартфони, туку на сцената стапува Samsung Galaxy A7.
 
 
Идејата зад Samsung Galaxy A е да се понуди квалитетен дизајн и модерен сетап по нешто пониска цена од вообичаеното. Samsung Galaxy A7 ќе има 5.2 инчен Full HD дисплеј, 13 мегапикселна камера, 5 мегапикселна селфи камера, осум јадрен процесор, 2 GB RAM, 16 GB меморија и батерија од 2500 mAh. Промоцијата на Samsung Galaxy A7 најверојатно ќе се одржи на 14 јануари кога ќе дознаеме повеќе детали за неговата цена и пласман на пазарот.