Официјално најавен Xiaomi Redmi 2 - Супер евтина понуда
Објавено на 04.01.2015 во Новости
Xiaomi го откри најновиот смартфон Xiaomi Redmi 2 кој претставува освежување на евтината понуда за корисниците со неколку новитети во однос на претходниот модел, но со истата ниска цена од само 110 долари.
Xiaomi Redmi 2 нуди 4.7 инчен 720p HD дисплеј, нов четири-јадрен Snapdragon 410 процесор компатибилен со 64 битни апликации, Adreno 306 графичка, 1 GB RAM, 8 GB меморија, мемориска картичка со капацитет до 64 GB, 8 мегапикселна главна и 2 мегапикселна предна камера, како и батерија со капацитет од 2200 mAh.
Еден од новитетите на Xiaomi Redmi 2 е понудата на 4G LTE конекција која достигнува интернет брзина до 150 mbps, а подржува две SIM картички. Софтверскиот пакет е составен од системот Android 4.4.4 KitKat и интерфејсот MiUI 6.0.
Xiaomi кој важеше за најевтиниот бренд во оваа класа сега доби цврста конкуренција од Meizu, Huawei и ZTE кои исто така за цена од 100 долари нудат квалитетни смартфони со модерни компоненти.
Текстот не смее да се печати или емитува, во целина или во делови без договор со Telefoni.mk.