Saygus V2 е првиот смартфон со 320 GB мемориски капацитет
Објавено на 08.01.2015 во Новости
Saygus V2 е првиот смартфон со мемориски капацитет од 320 GB. Saygus V2 има основна меморија од 64 GB, а има можност за надополнување со две microSD мемориски картички од по 128 GB што ќе биде и повеќе од доволно за складирање на сите мултимедијални содржини, фајлови и документи.
Saygus V2 привлекува и со одличниот 5 инчен Full HD дисплеј, четири-јадрен Qualcomm Snapdragon 801 процесор од 2.5 GHz, 3 GB RAM, 21 мегапикселна главна камера, 13 мегапикселна камера за селфи фотки и видео повици, скенер за отпечатоци, батерија со капацитет од 3100 mAh и безжично полнење.
За оперативниот систем е искористена верзијата на Android 4.4 KitKat, а куќиштето е квалитетно и изработена од цврсти материјали. Saygus се уште ја нема одредено цената, а повеќе детали ќе бидат познати наскоро кога ќе се открие планот за продажба, но ветуваат дека V2 ќе чини барем 100 поевтино од слични конкуренти.
Текстот не смее да се печати или емитува, во целина или во делови без договор со Telefoni.mk.
