Alcatel Pop 10 - Најевтиниот хибриден таблет/лаптоп
Објавено на 11.01.2015 во Новости
Alcatel претстави прилично солиден таблет во основната класа кој може да се трансформира во лаптоп со дополнителен мобилен док на кој се закачува физичка QWERTY тастатура со целосни функции и тракпад. Таблетот има 9.6 инчен дисплеј со пристојно ниво на резолуција од 800 х 1280 пиксели.
Alcatel Pop 10 работи на новиот 64 битен Qualcomm Snapdragon 410 процесор со четири Cortex-A53 јадра од 1.3 GHz, Adreno 306 графичка, 1 GB RAM, 8 GB меморија, microSD картичка за надополнување до 32 GB, 4G LTE конекција, 5 мегапикселна главна и 2 мегапикселна предна камера, како и батерија со капацитет од 4600 mAh.
Таблетот на Alcatel ја користи најновата верзија на оперативниот систем Android 5.0.1 Lollipop што ветува одлични перформанси, неговите дизмензии изнесуваат 245.2 x 146.4 x 7.9 mm што го прават прилично компактен и тежи 380 g. Цената на Alcatel Pop 10 ќе изнесува околу 250 евра, па наскоро го очекуваме во продажба.
Текстот не смее да се печати или емитува, во целина или во делови без договор со Telefoni.mk.
