Oppo U3 е нов змеј од Кина
Објавено на 22.01.2015 во Новости
Oppo U3 доби своја официјална промоција и стана новиот кинески змеј со големина на дисплејот од 5.9 инчи. Oppo U3 е замислен како уред кој ќе може да се користи и како таблет, а нуди солидни перформанси во софтверскиот и хардверскиот сегмент.
Oppo U3 работи на 64 bit Mediatek 6752 процесор со осум-јадра од 1.7 GHz, 2 GB RAM, 16 GB меморија која може да се надополни преку microSD картичка, како и супер батерија со капацитет од 3000 mAh. За софтверот е искористена верзијата на Android 4.4 KitKat надополнета со Colors OS интерфејсот.
Единствено разочарување кај Oppo U3 е што не се остварија шпекулациите дека камерата ќе им 4Х оптички зум, но тоа е компезирано со квалитетен сензор со 13 мегапиксели и повеќе додатоци на Sony. Предната камера има 5 мегапиксели што е совршено за селфи фотки и видео повици. Цената и датумот на пуштање во продажба на Oppo U3 се уште не се познати, но очекуваме дека ќе чини околу 450 долари.
Текстот не смее да се печати или емитува, во целина или во делови без договор со Telefoni.mk.
