Huawei ги хејта Quad HD дисплеите на Xiaomi и Meizu
Објавено на 22.01.2015 во Новости
Кинеските брендови ја разгоруваат меѓусебната војна, откако сфатија дека имаат шанси за голем успех на пазарот. Првиот сериозен напад пристигна од Ју Ченгдонг директор на Huawei кој изјави дека Quad HD дисплеите на Xiaomi Mi Note Pro и Meizu MX4 Pro не се воопшто имресивни и нивната работа драстично се одразува на искористеноста на батеријата.
Според Ченгдонг Huawei се уште користи Full HD дисплеи кои имаат помала потрошувачка на енергија, а нивниот модел Ascend Mate 7 доаѓа со огромна батерија од дури 4000 mAh, што е значително повеќе од батериите со 3000 mAh на Xiaomi и Meizu.
Сепак, Ченгдонг ќе треба да размисли за употребата на Quad HD дисплеите како оправдана бидејќи новите моќни процесори на Qualcomm ја компезираат потрошувачката, додека пак Huawei не се докажа премногу со сопствениот HiSilicon процесор. Тоа може да биде проблематично бидејќи наредниот премиум смартфон Huawei D8 ќе располага токму со Quad HD дисплеј и лесно ќе падне во истата замка.
Текстот не смее да се печати или емитува, во целина или во делови без договор со Telefoni.mk.
