Microsoft ги освои Android и iOs со Office апликациите
Објавено на 30.01.2015 во Новости
Microsoft целосно се посвети на развој на Office апликациите за смартфоните на конкурентните платформи Android и iOs со конечните верзии кои имаат полна оперативност и идентичен интерфејс како и за Windows платформата.
Корисниците на Android и iOs покрај за iPad ќе може да ги користат и целосните верзии на Word, Exel и PowerPoint за таблет и смартфон, а нова надградба добија и апликациите Outlook и Cloud сервисот за складирање OneDrive.
Со OneDrive сега ќе имате поголема контрола над организацијата на фајловите, нивно подредување според содржината и со помош на Bing технологијата ќе може и да пребарувате конкретни документи, слики и друг вид на фајлови.
За Android таблетите се поставени и одредени спецификации за користење како што е дисплеј со најмалку 7 инчи, ARM процесор, 1 GB RAM и KitKat верзија на системот или понова. Таблетите кои имаат дисплеј со над 10 инчи ќе треба да се регистрираат преку Office 365 сервисот за уредување и креирање на документи.
Текстот не смее да се печати или емитува, во целина или во делови без договор со Telefoni.mk.