Деца во наследство ви го оставам профилот на Facebook
Објавено на 13.02.2015 во Новости
Facebook воведе нова опција со која ќе може да одберете личност која ќе го одржува вашиот профил откако ќе починете, а со тоа ќе останат сите спомени и споделени информации за вас. Идејата на Facebook е да им овозможи на членовите и на семејството да го одржат профилот на починатиот како спомен, без притоа да додаваат нови содржини.
Во вашето дигитално наследство ќе останат сите слики и содржини кои потоа ќе може да биде превземени. Од друга страна пак, може и да побарате Facebook целосно да го избрише профилот по вашата смрт.
Опцијата за наследство на Facebook профилот ќе ја најдете во главното мени Security каде може да одберете кое лице ќе има пристап. Профилите на починатите лица ќе бидат обележени со зборот „Во сеќање“ над нивното име.
Што мислите за овој новитет на Facebook и дали имате личност од доверба на која би и го препуштиле профилот откако ќе заминете од овој свет.
Текстот не смее да се печати или емитува, во целина или во делови без договор со Telefoni.mk.