Claxi ќе ви најде такси превоз во градската џунлга
Пристигна финалната верзија на апликацијата Claxi која служи за брзо повикување на такси. На големо барање на патниците и возачите Claxi е во постојан раст и се шири. Засега услугите на Claxi апликација можат да ги користат патниците и возачите од Скопје, Куманово и Битола, a наскоро се очекува и присуство низ целата територија на Македонија.
Финалната верзија на Claxi нуди многубројни поволности со кои ви се олеснува секојдневното повикување со такси. Со оваа апликација можете да повикате такси без јавување, а истовремено може да ги прегледате сите понуди од целата такси мрежа. Claxi ви овозможува сами да го одберете вашето такси според понуда на цена, квалитет и време на пристигнување.
Тимот на оваа популарна македонска апликација ни пренесува дека постојано работи на подобрување на Claxi со воведување на нови поволности и начини како да ги задоволи своите корисници. Токму поради тоа, отсега патниците ќе можат да остварат директна телефонска комуникација со возачите, со цел технолошко усовршување на комуникацијата помеѓу патникот и возачот.
Оваа супер корисна апликација можете да ја симнете бесплатно за Android од Google Play.