BlackBerry и Samsung ќе спречат прислушкување со SecuTablet
Објавено на 16.03.2015 во Новости
BlackBerry и Samsung ги здружија силите за новиот таблет со енкрипција SecuTablet кој ќе биде наменет за владините службеници и бизнис директорите за да се заштити нивната комуникација од прислушкување, хакирање на комуникацијата и кражба на податоци и документи.
SecuTablet работи на заштитениот софтвер Secusmart кој сега е во сопственост на BlackBerry, додека пак хардверот е дело на Samsung со слични компоненти како и таблетот Samsung Galaxy Tab S 10.5. Свој придонес има и IBM кој ќе обезбеди нов софтвер за посебни режими на приватна и деловна комуникација и работа со апликации, интернет и сервиси за поврзување.
Со оглед на огромниот број на скандали со прислушкување низ целиот свет заштитените смартфони и таблети стануваат се повеќе потребни, па затоа и цената на SecuTablet ќе изнесува дури 2200 долари.
Текстот не смее да се печати или емитува, во целина или во делови без договор со Telefoni.mk.