ZTE Blade S6 Plus лансиран во Европа за 279 евра
Објавено на 07.04.2015 во Новости
ZTE со најновиот смартфон ZTE Blade S6 Plus реши да примени една поинаква стратегија и наместо да го продава преку кинеските онлајн продавници го избра eBay како свој партнер за продажба во Европа и САД.
ZTE Blade S6 Plus е прилично квалитетен смартфон кој ќе може да се порача по цена од само 279 евра, а за тие пари нуди 5.5 инчен HD дисплеј, осум-јадрен Qualcomm Snapdragon 615 процесор, 2 GB RAM, 16 GB меморија со можност за надополнување до 64 GB преку microSD картичка, како и солидна батерија со капацитет од 3000 mAh.
Смартфонот располага и со 13 мегапикселна камера на задната страна со LED блиц, 5 мегапикселна селфи камера, а делот на мултимедијата е заокружен со FM радио. Во делот на конекциите ZTE Blade S6 Plus нуди 4G LTE модем и можност за работа со две SIM картички.
Софтверот на ZTE Blade S6 Plus е составен од Android 5.0 Lollipop и новиот MiFavor интерфејс. Дизајнот исто така ќе ви се допадне, а привлекува и тенкото тело од само 7.7 милиметри.
Текстот не смее да се печати или емитува, во целина или во делови без договор со Telefoni.mk.