Mortal Kombat X за смартфон - Брутална борба со топ графика

Објавено на 14.04.2015 во Игри



Mortal Kombat X за смартфон - Брутална борба со топ графика

Mortal Kombat X повторно ќе ги окупира нашите конзоли за борба еден на еден, но исто така пристигна и мобилна верзија која нуди совршена графика и можност да играте со легендарните ликови како Scorpion, Sub Zero, Raiden и уште многу нови ликови со моќни потези.
 
iPhone Screenshot 1
 
Мобилната верзија на Mortal Kombat X е прилагодена за смартфон и ќе може да одберете три ликови кои ќе се менуваат со различен сет на способности и удари. Откако ќе го совладате противникот може да извршите фаталит и да отклучите нови предмети кои ќе ви користат и во главната игра.
 
iPhone Screenshot 2
 
Mortal Kombat X нуди и можност за онлајн борба со гејмери во делот Faction Wars, да побарате помош во секое време од вашите пријатели и да напредувате во новите предизвици. Mortal Kombat X е бесплатна за превземање за iOs, а наскоро ја очекуваме и Android верзијата. 
 
iPhone Screenshot 4
 
Треба да предупредиме дека во текот на играта може да купувате нови вештини и поени за искуство, а за непречено играње на Mortal Kombat X потребно е смартфонот да има најмалку 1 GB RAM и 1.5 GB слободен простор.