Google ќе ви го пронајде украдениот телефон

Google ја објави новата верзија на заштитната апликација Android Device Manager преку која ќе може веднаш да го пронајдете вашиот телефон доколку сте го изгубиле или пак во случај на кражба, а тоа може да го направите и преку десктоп компјутер со впишување на командата find my phone.

 

 

Google на овој начин ќе го лоцира вашиот телефон на Google Maps и ќе ви овозможи да го активирате ѕвонењето на најсилно ниво во пет наврати што ќе ви помогне да го најдете доколку сте го заборавиле негде, а во случај на кражба ќе може полесно да го лоцирате и да го пријавите во полиција. 

 

 

Во исто време може да ја изберете опцијата за заклучување на телефонот, со што крадецот ќе нема пристап, а за да бидете целосно сигурни може и да ги избришете сите податоци за да не дојде до било какви злоупотреби. Android Device Manager е бесплатна за користење и може да ја најдете во Play Store, а исто така може да ја користите и веб апликацијата.