Huawei P8 Max - Нов хибриден ѕвер со 6.8 инчен дисплеј

Објавено на 16.04.2015 во Новости



Huawei P8 Max - Нов хибриден ѕвер со 6.8 инчен дисплеј

Huawei ја изненади јавноста и наместо мини верзија на премиум смартфонот Huawei P8 претстави огромно хибридно чудовиште кое е на границата меѓу телефон и таблет со големина на дисплејот од 6.8 инчи. Сосема јасно е дека Huawei P8 Max е топ таблет со можност за користење на SIM картичка, а со тоа и на испраќање SMS пораки и воспоставување на телефонски повици, заедно се повеќе адути.
 
 
Huawei P8 Max доаѓа со премиум метално тело со едноделна маска изработена во седум слоја за распоредување на топлината и поголема ефикасност на дизајнот. Huawei P8 Max е прилично тенок со само 6.8 милиметри и е доволно компактен со оглед на големината на екранот. 
 
 
Хибридот располага со осум-јадрен HiSilicon Kirin 935 процесор, 3 GB RAM, 64 GB меморија со дополнителен слот за мемориска картичка, 13 мегапикселна камера со оптички стабилизатор на сликата, како и масивна батерија со капацитет од 4360 mAh. Huawei P8 Max наскоро ќе биде пуштен во продажба со цена од околу 600 евра.

Текстот не смее да се печати или емитува, во целина или во делови без договор со Telefoni.mk.