Обновено: Војничката верзија на Samsung Galaxy S6 со слики
Објавено на 15.05.2015 во Новости
Информациите поврзани со војничката верзија на Samsung Galaxy S6 стануваат се побројни и откако неодамна ви ги пренесовме можните детали за техничките спецификации и дизајнот сега добиваме и први слики кои асоцираат дека смартфонот е се поблиску до конечнен пласман на пазарот.
Да се потсетиме дека Samsung Mobile оваа година реши да не применува водоотпорни сертификати во дизајнот на Galaxy S6 и Galaxy S6 Edge, па затоа веднаш претпоставивме дека тој дел од понудата ќе биде издвоен во посебна „војничка“ верзија која ќе има цврста маска отпорна на шокови и ќе може да издржи во различни временски услови.
Таа прогноза полека се потврдува и со протекувањето на најновите слики од Samsung Galaxy S6 Active која е засилен со повеќе слојна пластика и метални штитници кои спречуваат навлегување на вода, прашина, песок и може да издржат во секакви услови.
Samsung Galaxy S6 Active ќе има идентичен хардвер но, со многу поиздржлива батерија од 3500 mAh бидејќи кај овие телефони не е пресудно да имаат тенко тело. Затоа набрзо ја очекуваме промоцијата на Samsung Galaxy S6 Active кој ќе има цена од околу 700 евра.
Текстот не смее да се печати или емитува, во целина или во делови без договор со Telefoni.mk.