Операторите не може два пати да ги наплатат пораките на chat
Објавено на 20.05.2015 во Новости
Агенцијата за електронски комуникации во Охрид ќе биде домаќин на 3-та меѓународна регулаторна конференција за мобилните оператори каде ќе се разговара и за регулација на апликациите за бесплатни пораки како Viber, WhatsApp, Skype и останатите. Наводно проблемот е што операторите се во загуба бидејќи се намалува бројот на испратени SMS и MMS пораки, а chat апликациите кои се „бесплатни“ се екстра популарни.
Тука се јавува еден голем проблем бидејќи Viber, WhatsApp, Skype, па дури и iMessage на Apple и Hangouts на Google не се бесплатни бидејќи се користат преку интернет конекција за која мобилните оператори наплаќаат во својата пост пејд или при пејд тарифа. Пораките и аудио повиците меѓу корисниците се навистина бесплатни, но само доколку користите Wi-Fi мрежа, па затоа тешко е да се воведе двојна наплата.
Интересно е што во анализите на повеќе мобилни оператори низ светот е оценето дека приходот од SMS пораки е намален, но затоа пак има огромен раст од интернет пакетите за мобилен телефон, кои меѓу другото се користат и за Viber, WhatsApp, Skype, Facebook Messenger и било која IM Chat апликација, односно зависи од самиот корисник на што ќе ги потроши. Аргументот на агенциите за регулација е дека IM Chat апликациите вршат телекомуникациски услуги и треба да бидат регулирани, но досега ова прашање не било покренато од најголемите светски регулаторни тела, како FCC во САД и TEENA од Кина.
Текстот не смее да се печати или емитува, во целина или во делови без договор со Telefoni.mk.