Telephony Backup ќе ви ги сочува повиците и SMS пораките

Доколку воспоставувате голем број на телефонски повици во текот на денот и немате јасна евиденција со кого се сте разговарале и во кое време најдобро е да ја користите апликацијата Telephony Backup која ќе води бележник на сите повици. Со Telephony Backup исто така може да ги чувате SMS пораките на подолго време и да одберете што од нив ви треба во евиденција.

 

 

Откако ќе ја инсталирате Telephony Backup на вашиот Android смартфон ќе добиете и известување да ја поставите како стандардно апликација за испраќање на пораки но, тоа треба да го одбиете бидејќи софтверот не е прилагоден за таа цел, туку само за водење на евиденција.  

 

 

Интерфејсот на Telephony Backup е прилично модерен и во склоп со стандардите на Android Lollipop, па веднаш ќе ги научите сите опции. Telephony Backup е бесплатна за користење, а има и верзија која се наплаќа со тоа што нема да ви се појавуваат реклами.