Sony Xperia J

Јапонската компанија Sony успева да понуди на пазарот смартфони со различен оптег, почнувајќи од ефтината ниска класа, па се до врвни уреди кои се во самиот врв на конкуренцијата. Пред нас на анализа дојден е Sony Xperia J, смартфон од средната ниска класа, кој би требало да биде одличен избор за при-пејд понудата.

 

Генерални карактеристики

 

Иако се вбројува во средната класа, Sony Xperia J не е меѓу најистакнатите смартфони од ова друштво бидејќи му недостасуваат неколку карактеристики. Средната класа во последните три месеци напредна неверојатно брзо со минимални карктеристики како што се екран со резолуција од 720 пиксели, двојадрен процесор и нова верзија на оперативниот систем. На Sony Xperia J му недостигаат неколку од нив, но затоа пак има многу издржлива батерија.

 

Дизајн

 

Бидејќи се работи за смартфон со екран од 4 инчи веднаш се помислува на неговата практичност и компактност. Sony Xperia J има карактеристичен дизајн кој е препознатлив за јапонската компанија, а како и многу други Xperia уреди, без оглед на неговата цена, има голема доза на квалитет иако е изработен од пластика.

 

Предната страна на смартфонот е прилично едноставна, со стандардните Android функционални копчиња, додека пак задната страна е многу поинтересна со мала длавбнатина на средината на телото, која овозможува стабилен фат, а самата плоча е прилично квалитетна и отпорна на отпечатоци од прсти.

 

Од страничните страни се наоѓаат различните физички копчиња, кои се минијатурни и им недостига висок степен на респонзивност. На смартфонот имате две светла за известувања. Првото се наоѓа до самата слушалка и се активира кога се полни смартфонот, додека пак светлото на дното има многу повеќе функции кои може да ги прилагодите по ваш избор и истите светат во различни бои.

 

Екран

 

LCD екранот од четири инчи има назначено резолуција од 482 на 854 инчи, што за некого ќе звучи малку и е далеку пониско од HD стандардот, но затоа пак има висока густина на сликата од 245 пиксели на еден инч. Дисплјеот има пријатна слика со неутрални бои кои се лесни за око и изненадувачки добра видливост при различни агли на гледање.

 

Кориснички интерфејс

 

Sony Xperia J доаѓа со оперативниот систем Ice Cream Sandwich, но од компанијата ветија дека некаде на пролет ќе следи надградба со последната верзија на Android, односно верзијата 4.1 Jelly Bean, па тогаш со сигурност може да се каже дека ќе добиете дополнителна брзина и нови опции во софтверот.

  

 

До тогаш  Sony Xperia J има доволен број на опции и можности за нагодување на менито и работните задачи, како што се виџетите во кои може да добивате информации од социјалните мрежи Facebook и Twitter, потоа временска прогноза, подредување на контактите и други опции.

  

 

Хардвер

 

Бидејќи се работи за нов смартфон процесорот од 1 GHz со само едно јадро и 512 MB RAM звучат навистина премалку иако споредено со многу постари модели хардверот е голем напредок. Кога веќе Sony изоставил двојадрен процесор за овој смартфон, можел барем да обезбеди побрз еднојадрен процесор, но и со овие карактеристики речиси и нема да забележите никакви проблеми или кочења кога е во прашање вообичаената употреба на смартфонот. Мали кочења се јавуваат само при користење на поголеми апликации или пак при играње на новите 3D игри кои бараат висок хардверски капацитет. Од 4 GB меморија за користење достапни ви се 2.8, но ако тоа ви е малку постои можност за дополнување преку microSD картичка.

  

 

Мултимедиа

 

Како и секогаш Sony се грижи да имате добра забава со вашиот смартфон. Тука ќе може да го користите добро познатиот плеер Walkman, кој има многу опции како што е виџетот на почетното мени и пристап уште од заклучениот екран. Гледањето видеа на 4 инчниот екран е прилично квалитетно, со подршка за сите видео формати, но со послаба резолуција од HD стандардот.

 

Заклучок

 

Пред да се решите да го купите овој смартфон добро согледајте ги неговите предности и слабости. Со оглед на тоа што припаѓа на средната класа изненадува батеријата со капацитет од 1750 mAh која овозможува долго користење со едно полнење, а тука се истакнува и одличниот екран. Но, затоа пак, доколку сакате помоќна машина имате и други избори, како што е HTC Desire X, Sony Xperia sola и LG Optimus L7. 



Автор

Христијан Станоевиќ