LG Optimus F7 - Смартфон без маана

LG продлжува пријатно да не изненадува кога е во прашње средната класа и понудата на неколку одлични смартфони со пристапни цени. Претходно беше промовиран LG Optimus L7 II, новиот смартфон од серијата L кој има свои квалитети, а најавен е и уште поквалитетен смартфон од него, а тоа e LG Optimus L9 II. Но, тоа што најмногу не прави задволни е еден поинаков смартфoн кој многу потсетува на фаворитот на LG од пред две години Optimus 4X HD кој имаше многу квалитети и привлече големо внимание. Сега доаѓа LG Optimus F7 негов неофицијален наследник и е смартфон со многу позитивни страни иако се наоѓа во средната класа по цена од 100 долари. Интересно е што овој смартфон е сличен со ланскиот најдобар телефон Samsung Galaxy S III, а во некои категории е можеби и подобар, но се продава по многу пониска цена.

 

Дизајн и екран

Како што започнавме LG Optimus F7 наликува на Optimus 4X HD и продолжува со карактеристичниот цврст дизајн на компанијата и употребата на пластика. Смартфонот има и засилена метална рамка околу екранот која допринесува за поголема стабилност. Под екранот се наоѓа главното LG копче, а во негова позадина има LED сијаличка која свети во различни бои за доставување на соодветни известувања и промени. До ова копче се наоѓаат уште две означени како back и menu. Од страната има додадено уште посебно копче кое ја активира QuickMemo апликацијата за правење на белешки и со тоа се заокружуваат физичките копчиња на смартфонот.

  

Екранот на LG Optimus F7 има големина од 4.7 инчи и поседува висока резолуција од 720 x 1280 пиксели, но сепак не е Full HD. IPS-LCD дисплејот има висока пискелација од 312 ppi што обезбедува висок степен на деталност, одлично изразување на боите кои имаат природен изглед, а исто така има и добра видливост од различни агли. Овој дисплеј многу потсетува на уште еден смартфон на LG а тоа е Nexus 4,што е голема реткост да најдете друг смартфон од средната класа со волку квалитетен екран. Мал недостаток има во делот на осветленоста на екранот што може да попречи при употреба на отворено и ќе мора да држите сенка врз екранот за подобро да гледате, но тоа не е преголема пречка за нормална употреба на телефонот.



Софтвер

LG Optimus F7 работи на најновиот кориснички интерфејс на LG наречен Optimus UI што значи дека во него се вградени сите софтверски новитети кои може да ги најдете и кај далеку поскапите смартфони LG Optimus G Pro и LG Optimus Vu II. LG се потрудил да направи повеќе алатки за мултифункциоанлност и мултитаскинг а од нив се издвојува алатката QSLide која ви овозможува да правите повеќе активности истовремено во едно мени, на пример употреба на организациските алатки додека е активирана друга апликација. Втората корисна алатка е Smart Screen која го држи екранот активен се додека гледате во него бидејќи го следи движењето на вашите очи. Инаку овој телфон работи на оперативниот систем Androidсо верзијата на  Jelly Bean 4.1.2 која не е најнова, но ги содржи речиси сите новитети во ситемот, нови виџети, нов начин на пристап до центарот за известувања и мениот за брзо активирање на одредени сервиси во кој има мали промени, благодарение на LG кој додал неколку сопствени кратенки.

  

Хардвер

LG Optimus F7 e опремен со прилично солиден хардвер иако се работи за смартфон од средната класа. Тој работи на двојадрен ARM процесор со брзина од 1.5GHz со 2GB RAM и графика Adreno 225 GPU. Вградената меморија изнесува 8GB која може да се надгради преку microSD. Овој телефон работи на 4G LTE мрежа, за конекција се достапни и GPS, Bluetooth 4.0 со EDR, 802.11 a/b/g/n, Wi-Fi и NFC. За трошењето на батеријата не треба да се грижите воопшто бидејќи таа има капацитет од 2540 mAh и може да се користи речиси два дена до наредното полнење. Во однос на перформансите може да се каже дека LG Optimus F7 e изедначен со сите лански премиум смартфони меѓу кои и Samsung Galaxy S III, што значи дека сите задачи ги извршува навремено со повремени мали кочења кои многу не се забележуваат.

   

Камера и мултимедиа

Камерата на LG Optimus F7 има 8 мегапиксели со LED блиц и може да се каже дека е една од поквалитетните кај телефони од оваа класа. Со неа може да правите одлични слики кога условите со сончеви со голема светлина, додека пак ноќните слики имаат понизок квалитет. Исто така може снимате видеа со резолуција од1080p кои имаат стабилна слика благодарение на постојаниот автофокус. Во делот на забавата е употребен сопствениот LG Optimus музички плеер кој е компатибилен со речиси сите мултимедијални формати. Звучникот на телефонот е прилично гласен и произведува јасен звук и при највисоките тонови.

 

Заклучок

LG Optimus F7 е еден од најдобрите смартфони од средната класа кој излегол на пазарот во последно време. Низ анализата не можевме да најдеме некоја голема забелешка иако во сите категории има простор за подобар перформанс. На пример хардверот е добро склопен, но присуството само на дво-јадрен процесор не и исто како и со перформансите на телефоните со четири-јадрен процесор. Од друга страна изненадува високо квалитетниот екран на кој тешко е да се најдат поголеми забелешки освен употрeбата на отворено под директна сончева изложеност. Понатаму позитивни оценки има и за софтверот и релативно поновата верзија на оперативниот систем Android 4.1.2 Jelly Bean, a тоа што најмногу му недостига на LG е пошаренолик интерфејс со вклучување на повеќе софтверски алатки и додатоци кои ги имаат Samsung и HTC.



Автор

Христијан Станоевиќ