Како да го користите вашиот смартфон за венчавка за спомени и долго сеќавање

Кога имаме свадба, сите сме расположени и сакаме постојано да фотографираме и да снимаме видеа. Секогаш има професионални фотографи, но вие сепак сакате да си имате свој спомен. 

Сте размислувале ли за тоа колку е пристојно да користите фотоапарати или мобилни телефони во такви ситуации? Постои тврдење дека правилата се тука за да се скршат, но за ова треба понекогаш и да се водите по некои непишани правила, што ќе ве насочат како креативно да го одбележите свечениот љубовен настан. Samsung изработил краток водич за употреба на смартфоните и камерата кога станува збор за најважниот ден во животот на младенците:

1. За време на самата церемонија избегнувајте фотографирање, затоа што секогаш има професионален фотограф за таа намена. Уживајте во моментот, а својот мобилен телефон држење го на сигурно, во чанта или во џебот. Не заборавајте да го намалите звукот на телефонот.

2. Вистинскиот момент за фотографирање што сите нетрпеливо го очекуваат е излегувањето на младенците после церемонијата од венчавката. Тогаш може овој момент да го одбележите со фотографирање со смартфонот. Ова е добра прилика за да ја пробате Super Slow-mo функцијата за снимање, што ви ја нуди смартфонот, затоа што тогаш најчесто се фрлаат конфети, лисја од рози или ориз. Идеален момент за да направите снимка што ќе се памети.

3. Селфи моментот е кога ќе почне забавата после церемонијата. Додека младенците ги нема, односно се преслекуваат или имаат фотосесија, искористете го моментот за селфи, затоа што, да бидеме искрени, сите сакаме да покажеме колку убаво сме се дотерале за прославата на љубовта на нашите најмили и на колку прекрасна локација се наоѓате. Кога ќе се појават младенците бидете повторно со нив и дружете се, а другиот бран од селфи фотки нека почека.

4. Смартфонот на масата? Не. Дури и за работохоличарите, смартфонот на масата е неприфатлив. Обидете се да се вклучите во разговорот со лицата што се наоѓаат на вашата маса, а ако не ви одговара и тоа, секогаш може дискретно да се извлечете со вашиот смартфон или да пронајдете подобро друштво.

5. Моментот за свадбената торта е уште една шанса за фотографија што не смеете да ја пропуштите. Ова може да биде прилика за снимање на интересно видео доколку одберете добар агол. На пример, снимката на младенците од грбот може да биде вашата уникатна перспектива.

6. Вечерната забава е извонредна прилика за да го снимате моментот, но и да направите фотографии на минимална осветленост. Меѓутоа, секогаш проверете со лицата што се наоѓаат на снимката, дали смеете да ја споделите содржината на социјалните мрежи, со цел да немате непријатни ситуации.

7. Ако останете на афтер-парти, задолжително снимајте ги најинтересните моменти. Но, немојте да ги споделите пред да испиете убаво црно кафе и Aspirin од следното утро. 

Се разбира, секогаш добро забавувајте се и не изостанувајте од забавата.