Google и Microsoft до напредни апликации за Android

Google и Microsoft заеднички работат на многу возбудлив проект кој ќе овозможи лансирање на веб апликации со напредни функции директно во маркетот Play Store со целосна поддршка за корисниците на Android.

Гигантот од Редмонд повеќе не го чува љубоморно оперативниот систем Windows и веќе неколку години сфати дека со оваа платформа не може да направи напредок во смартфон сферата. Затоа Microsoft овозможи целосен пристап до апликациите од Office пакетот, како и мобилните Android верзии на Bing, Edge, OneDrive и слични.

Прогресивни веб апликации за Android со помош на Microsoft

Новиот проект на Google и Microsoft сега оди чекор понапред и е насочен првенствено за поддршка на девелоперите на веб апликации. Преку интеграција на Progressive Web Apps Builder алатката и Google Bubblewrap системот се овозможува најориридна трансформација на веб во мобилни апликации.

Тоа значи дека ќе се креираат многу поквалитетни апликации кои нема да бидат само трансформација на веб верзијата прилагодена за работа на смартфон.

Сите нови апликации на кои ќе се работи во следниот период ќе бидат лансирани директно преку Google Play Store па така за нив ќе има и соодветна корисничка поддршка. Редовно ќе може да се лансираат софтверски надградби и многу побрзо ќе се инсталираат новите верзии и додатоци на една прогресивна веб апликација за Android.