Што ќе понуди Playstation 5 со далечински управувач?

Sony Computer Entertainment ќе понуди едно сеопфатно искуство за сите гејмери кои ќе ја купат новата видео конзола Playstation 5 замислена за целосна забава покрај понудата на најнови видео игри со напредна графика и перформанси од следната генерација.

Тоа се гледа уште сега со најавата дека Playstation 5 ќе располага со специјален медиа далечински управувач со кого ќе може конзолата да ја претворите во мултимедијална станица со игри и многу различни содржини.

Еден медиа центар за целосна забава

Според најавите покрај Playstation 5 конзолата корисниците ќе може да го порачаат и специјалниот медиа далечински управувач кој ќе има посебни копчиња за активирање на Netflix, YouTube, Disney Plus и Spotify.

Новиот далечински управувач на Sony Playstation 5 ќе се продава одделно, но уште сега може да се порача во пакет со конзолата за сума од 30 долари.

Засега нема информации дали оваа цена ќе важи и потоа откако конзолата ќе биде целосно достапна на пазарот, однос по завршување на периодот на пред-нарачки.

Се што ви треба на едно место

Sony предвидува дека и кога ќе завршите со играње на видео игрите ќе нема потреба да ја гасите Playstation 5 конзолата. Затоа интерфејсот ќе биде поделен на два дела, на гејминг и на медиа. Во медиа делот на Sony Playstation 5 ќе има нова организација на менито и апликациите.

Корисниците ќе нема потреба да ги инсталираат поединечно сите апликации преку Sony Playstation Store туку истите ќе им бидат достапни уште од првиот ден на активацијата.

Засега е потврдено дека од старт корисниците на Playstation 5 ќе имаат пристап до Netflix, YouTube, Disney Plus, Spotify, Apple TV и Twitch. Преговори се водат за достапност на уште повеќе стриминг платформи за видео и музика како што се Amazon Prime Video, MyCanal, Hulu, Peacock и уште многу други.

Дигиталната верзија на Sony Playstation 5 без физички медиум ќе се продава по цена од 399 долари, додека пак стандардната верзија со оптички читач ќе се продава по цена од 499 долари за почетната мемориска конфигурација.