Бил Гејтс: Треба да платиме мала цена за да ни биде подобро
Наши забелешки
Positives:
- Редовно миење раце според Бил Гејтс ќе помогне да се спречи ширењето на вирусот;
Negatives:
- Многумина не се придржуваат до правилата за носење маска и миење раце;
Ситуацијата во бројни европски земји се влоши толку многу, што во некои е воведен и полициски час. Германија и Франција имаат делумен lockdown. Изгледа ситуацијата ни бега од контрола и дека сме прилично немоќни пред пандемијата. Можеме само да се прашуваме каков период не очекува во следните неколку месеци.
Не можеме да ја контролираме ситуацијата, но постојат неколку правила до кои можеме да се придржуваме со цел да придонесеме во борбата против коронавирусот. Тие правила ни се познати и ги слушаме веќе долго време, а се однесуваат на одржување на дистанца, маски и миење на раце, до кои многумина не се придржуваат. Основачот на Microsoft, Бил Гејтс, еден од најбогатите луѓе во светот, со години предупредуваше за неспремноста на светот од ваква пандемија. Кога навистина сега дојде до тоа, многумина го прогласија за виновник за вирусот.
Тој ги критикува луѓето што не носат маски на затворени и јавни места, тврдејќи дека тоа е навистина мала цена што мора сите да ја платиме во борбата против SARS-CoV-2 вирусот и болеста COVID-19.
Се што имаме е нашето однесување, ја нагласува одговорноста на секој поединец и само одговорно однесување и придржување до тие правила ќе помогне да се врати животот колку-толку во нормала пред да стане вакцината достапна. Таа очигледно е единствениот начин со којшто би можеле да ја спречиме пандемијата со новиот коронавирус.
Гејтс вели дека луѓето се веќе изморени од цела ситуација и дека на јавниот простор се шират погрешни пораки. Многумина не сакаат да се откажат од своето однесување и да стават маска во затворени простори. Во многу држави, особено во САД, маските се претворија во политичко и идеолошко прашање, а не само здравствено.