Криминалците се повеќе ја злоупотребуваат вештачката интелигенција за напади

Животот и работата се повеќе се преместуваат во дигиталната сфера, па така и криминалците се повеќе се активни. Добро им е познато на сите дека првата линија за одбрана од кибернетскиот криминалц е добра антивирусна програма, која редовно се ажурира. Ако додадеме и firewall на тоа, може да се каже дека сме прилично добро заштитени од потенцијални напади.

Истражувањето спроведено од Европол, Институтот за меѓународен криминал и правдата на Обединетите народи (UNICRI) и компанијата Trend Micro, покажало дека криминалците често ја користат вештачката интелигенција за своите погоди. 

Вештачката интелигенција за светот ветува поголема ефикасност, автоматизација и автономија. Во моментот кога се појавуваат почести прашања за потенцијалната злоупотреба на вештачката интелигенција, мора отворено да зборуваме за заканите и предностите од користењето на вештачката интелигенција, вели Едвардас Шилерис, шефот на Европол центарот за кибернетски криминал. 

Во истражувањето се наведува дека deepfake видеото веќе не е единствен начин на кој кибернетските криминалци користат вештачка интелигенција за напади. Во последно време го прошириле своето делување ина дезинформациски кампањи, изнудување пари и целно напаѓање на податоците што другите системи на вештачката интелигенција ја користи за учење и работа.

Кибернетските криминалци ја користат вештачката интелигенција и за креирање на убедливи напади базирани на социјален инженеринг, што може да го спроведуваат на многу жртви истовремено. Ја користат и за ширење на документи со малвер, со цел нападот да може да биде што е можно поефикасен. Не треба да се заборави дека ВИ се употребува за заобиколување на препознавањето на гласот или сликата за интелигентни ransomware напади, но и пронаоѓање на слабите точки во системите.

Вештачката интелигенција дефинитивно е темел за иднината, која ни носи одредени предности, но и недостатоци. Најголем проблем е што криминалците се повеќе ја злоупотребуваат ВИ за злонамерните програми, кои ги заобиколуваат антивирусните системи и системите за препознавање на лице.