Не треба да се полни батеријата на телефонот преку ноќта

Меѓу најважните опции за време на изборот на нов смартфон за многумина е високо на листата на приоритетни батерии, односно нејзината издржливост. Најмоќните батерии со текот на времето го губат својот капацитет, на што влијае и начинот на кој го користиме телефонот и начинот на кој ги полниме батериите. 

На мрежата можеме да прочитаме бројни совети за тоа како да ја полниме батеријата и што помага, а што штети на нејзината издржливост и намалениот капацитет. Притоа е нејасно како врз капацитетот на батеријата влијае целоноќното полнење оти тогаш многумина ги полнат своите телефони со цел наутро да ги пречека целосно полна батерија до максимум.

Одговор на прашањето да го полните ноќе или не, дале на USA Today, откако добро проучиле што велат Apple, Samsung и Huawei, за полнењето, а тој одговор гласи - ако не морате, не полнете го телефонот во текот на ноќта. Apple и Samsung велат дека за здравјето на батеријата не е добро ако ја поврзете со полначот во текот на подолг период, т.е. во текот на ноќта. Совет за подолго траење и подолга издржливост на батеријата од Huawei е дека е најдобро наполнетоста на батеријата да се движи од 30 до 70%.

Кога батеријата ќе се наполни до максимум, автоматски ќе се прекине полнењето, но во одредени случаи, кога ќе падне на 99%, повторно почнува полнењето. Таквото константно празнење и полнење влијае врз траењето на батеријата. Последните генерации на Apple телефони доаѓаат со опции за оптимизирано полнење на батеријата, која може и да ја исклучите, која следи и учи од дневна рутина на полнење батерии на телефони и може да почека со довршувањето на полнењето на батеријата со над 80% додека тоа на корисниците навистина не им затреба.

Достапни се и посебни апликации како што е AccuBattery за Android-и, кои го следат здравјето на батеријата и ги советува корисниците за начинот и времето на полнење со цел да се извлече максимумот од батеријата. Значи, ако сакате да го подобрите капацитетот на батеријата, обидете се да ја наполните батеријата пред спиење, а не во текот на ноќта, при што не мора да ја полните до максимум. Наместо тоа, доволно е само еднаш да го поврзете телефонот со полначот и да ја дополните батеријата.