Која е вашата ментална добросостојба? - проверете преку апликацијата Relaxifyapp
Наши забелешки
Positives:
+ Го подобрува вашето ментално здравје;
+ Висока ефикасност во опуштање на мозокот;
+ Ги подобрува вашите когнитивни способности;
+ Македонска апликација;
+ Прецизни инструкции за дишење и концентрација;
+ Ниска цена за годишна претплата;
Negatives:
На луѓето сè повеќе им се потребни вакви апликации, кои им помагаат во негување на нивното ментално здравје. За таа цел, ви ја препорачуваме апликација RelaxifyApp која во моментов веќе е достапна верзија на која активно работат тим од домашни програмери, психолози и UX/UI Дизајнери. Апликацијата ќе има за цел да ви помогне во развивање на вашата психолошка добросостојба и резилиентоност преку различни вежби и активности како: Техники за дишење и приземјување, вежби за концентрација, меморија, развој на емоционална интелигенција и многу други.
Евалуација на психолошката состојба
Вашиот пат со апликацијата започнува со можноста да ја проверите вашата моментална добросостојба и тоа преку 4те димензии на истата: емоционална, физичка, когнитивна и социјална димензија. Проверката на вашата добросостојба се прави преку прашалник дизајниран од психолози, а начинот на одговарање е едноставен, преку скала од 1 до 6, каде наведувате во колкава мера одредено трвдење се однесува на вас или пак не се однесува.
„Со само една апликација, ќе имате увид во вашите когнитивни, емоционални, физички и социјални функции, преку функционални и индивидуални вежби за подобрување на сите овие области“, гласи пораката на апликацијата.
Вежби и игри
Инаку, игрите и вежбите се тука за ментално да ве „размрдаат“, и да ви помогнат да ја подобрите вашата добросостојба. Има различни типови на игри и вежби кои влијаат на подобрување на одреден аспект на вашето ментално здравје, а со тоа и на специфична димезија на истото (емотивна, социјална, когнитивна или физичка). Следствено, со секое вежбање добивате поени за активност на димензиите. Игрите се навистина корисни, а можете да ги играте во едноставен или покомплексен модул зависи од вашето моментално расположение.
Играта за концентрација го подобрува когнитивниот аспект и со успешно играње на истата добивате поени за когнитивната психолошка димензија. На пример, ви нуди 3 различно обоени коцки, со збор запишани која боја се. Двете коцки се со правилно напишани бои, додека третата што не е точна, треба да ја откриете и брзо да реагирате кликнувајќи на неа. Во таа задача имате максимум зададено време од 12 секунди. Имате и потешка верзија со 6 обоени коцки, од кои само една е погрешно обележана.
„Со фокусирањето, вниманието во оваа игра го тренира вашиот париетален кортекс (круцијален за визуелно ориентирање и неговите промени) во мозокот и предниот кортекс (важен за одржувањето на вашата будност)“, пишува во RelaxifyApp.
Приземјување (Grounding) и техники за дишење
Како што гласи и самото име на апликацијата, тимот се потрудил да изработи квалитетни насоки за да се опуштите, смирите, и да се вратите во „Тука и сега“. Тие внимателно ве водат во процесот на приземјување, со тоа што ве советуваат како/колку да вдишете само со дијафрагмата, како/колку да вдишете само со градниот кош, да го задржите воздухот, издишувате и како да го насочувате вниманието.
Се разбира, тоа се работи на интервали и пожелно е во позадина да имате тивка музика или целосна тишина за полесно опуштање.
Како да ги препознаете негативните автоматски мисли
Апликацијата нуди вежба со која ќе можете да ги препознаете негативните мисли и како истите да ги одбегнувате во стресното секојдневие. Оваа вежба покрај другото е и од едукативен караткер. За вашите резултати имате поени и животи.
RelaxifyApp нуди бесплатен дел на апликацијата, на кој што имате неколку сосема солидни вежби и игри, и секако може да ги користите секојдневно со цел подобрување на вашата добросостојба. Месечната претплата изнесува 4 долари, додека годишната претплата изнесува 6 долари само до крајот на овој месец. Разликата е во тоа што со премиум претплата имате повеќе избор и повеќе игри, како и нови премиум содржини секој месец, и нови премиум функционалности. Премиум верзијата може да ја испробате 7 дена, без обврска да продолжите до крајот на месецот.
Заклучок
Преку игрите вие го подобрувате вашето ментално здравје и секако ќе уживате додека ги играте. Ве охрабруваме веднаш да ја преземете апликацијата RelaxifyApp - Stress & Anxiety Relief на Play Store на овој линк или на iOs AppStore.
Апликацијата ја градат тим од психолози, програмери и ux/ui дизајнери а во финалната верзија очекуваат да понудат повеќе видови на активности, вежби, поголема оптимизираност и квалитет на изработка и секако напреден дизајн. Од тимот напоменуваат дека ваквата апликација, секако не е замена за стручна психолошка или психотераписка помош, меѓутоа е добро надополнување на истите и секако служи како поддршка за себе-грижа, превенција и развивање на резилиентност.