Tesla Autopilot системот мора да има интервенција од возачите
Наши забелешки
Positives:
Negatives:
- Tesla Autopilot не може да се остави сам на себе, затоа што системот се уште не е усовршен доволно за да функционира самостојно;
Автопилотот на Tesla не е вистински пилот и не може да вози апсолутно сам, пишува The Drive. Се работи за автономен систем за помош на возачите, кој што може да ја олесни работата на возачот, додека е на автопатот или јасно означени градски улици.
Tesla Autopilot е далеку од совршен автономен систем, како што покажува новото видео од YouTube каналот Beta Tech OG. На ова видео Tesla Model 3 за малку ќе удри во возот што доаѓа, а самиот сопственик имал и многу други интервенции во текот на автоматскиот режим на возењето. Така возачот оценил дека автономното возење е тотално несоодветно.
Beta Tech OG на своите видеа тестира систем за автопилот и опција за самостојно возење по улиците на Денвер, Колорадо. За време на 18-минутното видео, Model 3 за малку ќе се удрел на неколку места. Главната грешка била можниот удар во возот, кога требало да го почека да помине.
Пред да удри во возот, Model 3 бил стопиран на црвено светло со вклучен лев трепкач. Автомобилот требало да почека додека возот да помине и со тоа да се ослободи простор за да сврти лево. Наместо да почека, Tesla FSD проценил дека нема доволно простор и време да сврти пред возот да стигне или не го препознал правилно. Возот бил препознат на екранот на infotaiment системот.
Не е јасно зошто Tesla одлучил да сврти лево пред возот, па кога возачот го забележал тоа, бил приморан да преземе контрола и го пренасочил автомобилот. За среќа, никој не е повреден овој пат, но тоа не значи дека во иднина ќе може да се реагира навремено.