Alcatel U5: Разумна цена и добри перформанси

Објавено на 24.02.2018 во Рецензија


Alcatel U5: Разумна цена и добри перформанси

Оцени

usability
10.0


Перформанси
9.5


Цена
10.0


Камера
9.0


резултат
9.6


Наши забелешки

Positives:

- Ниска цена;
- Добра камера со забавни алатки;
- Доволно добри перформанси;
- Штедлива батерија;
- Голем дисплеј;

 

Negatives:



Целата рецензија

Alcatel компанијата започна со работа во 2004 година и оттогаш лансира претежно ценовно прифатливи телефони со солидни перформанси. Таа ги произведува One Touch телефоните и таблети, која важи за глобален мобилен технолошки бренд, кој дизајнира и развива мобилни и интернет уреди. Во оваа прилика ќе го разгледаме Alcatel U5, кој е телефон од ниската класа, доаѓа со солидни перформанси и ниска цена.

Дисплеј и дизајн

Alcatel U5 располага со 5.00-инчен дисплеј и резолиција од 480 х 854 пиксели. Неговите димензии се 140.70 x 71.80 x 10.00 (височина x ширина x дебелина). Телефонот има заоблени рабови и многу е комфорен за држење со една рака. Предниот и задниот панел се изработени од пластика, која нема да дозволи да ви се лизга телефонот од рака.

Хардвер и софтвер

Alcatel U5 под хауба има 4-јадрен Mediatek MT6737M процесор со 1.1GHz и 1GB RAM меморија. Неговата меморија за лични податоци изнесува 8GB, која ќе биде доволна за вашите фотографии. Како и да е, цената соодветствува со перформансите, при што меморијата може да ја зголемите и до 32GB со microSD картичка. Предноста кај него е што перформансите не ја цедат батеријата, која поради тоа долго ќе трае.

Смартфонот доаѓа со прединсталиран Android 6.0 оперативен систем и фиксирана батерија со капацитет од 2050mAh. Има влез за две СИМ картички - Micro-SIM и Micro-SIM. Во сегментот за конекција вклучува: Wi-Fi, GPS, Bluetooth, USB OTG, 3G и 4G интернет, што е голем плус. Од сензорите имате сензор за близина, акцелерометар и сензор за амбиентално светло.

Камера

Alcatel U5 има 5 мегапикселна камера од задната страна и 2 мегапиксели предна камера за селфи. Се разбира, ова не е многу за воодушевување. Камерата е добра на силна сончева светлина, кога деталите се појасни и остри, но во ноќниот режим не се покажува многу.

Од задната страна има LED блиц за осветлување на просторот во ноќниот период и имате многу алатки за разубавување на фотографиите: Face Mask алатката ви овозможува да ги претворите вашите селфија во лудо-незаборавни забавни слики преку филтри или Face Beauty алатката, која ви овозможува да ги нашминкате сликите. Face Show може да го употребите за да креирате интересни анимации, со Instant Collage може да си правите колаж од неколку слики за 1 секунда и практичната Selfie Album алатка, која ви помага полесно да ги организирате вашите слики.

Заклучок

Се разбира, овој телефон е ценовно прифатлива категорија, од кого корисниците не треба да бараат многу. Alcatel U5 е перфектен смартфон за оние што сакат да купат евтин телефон со одлични алатки и добри перформанси, што би ги очекувале од моделите во средната класа. Моделот е идеална опција за фотографските ентузијасти што сакаат забавен смартфон со одлична камера за разумна цена и импресивен црн дизајн.

Дали ви се допадна рецензијата? Ако имате нешто да дополните ве молиме напишете коментар


За авторот

Александар Младеновски
Author Image
Дипломиран новинар, истражувач со познавања во повеќе области, практикува јога, сака да ги инспирира луѓето и да поттикне промени.



 
Најнови телефони
 
  • Watch Edition Series 3
  • Watch Series 3
  • Watch Series 3 Aluminum
  • Watch Edition Series 2 42mm
  • Watch Series 2 42mm
  • Watch Edition Series 2 38mm
  • Watch Series 2 38mm
  • Watch Series 2 Aluminum 42mm
  • Watch Series 1 Aluminum 42mm
  • Watch Series 2 Aluminum 38mm