Galaxy S23 серијата ја засилува мобилната безбедност со Samsung Message Guard

Samsung го објави и најновиот One UI 5.1 кориснички интерфејс, заедно со новата гејминг алатка за полнење при бајпас играње. Со лансирањето на Galaxy S23 серијата, дефинитивно Samsung направи одличен потег, затоа што новите модели се полн погодок.

Samsung најави нова превентивна безбедносна карактеристика, која што е веќе достапна за Galaxy S23 серијата. Samsung Message Guard се нарекува новата спецификација, која што има за цел превенција на напади од сликите што се праќаат директно на телефонот.

Компанијата открива дека досега не е забележан таков тип на напад врз Galaxy телефоните, но новата алатка сепак сака предвремено да санира таков тип на напад доколку би се појавил во иднина. 

Според Samsung, малициозниот агент може да стави слика со специфична експлоатација и контрола над вашиот уред, дури и без да кликнете на неа. Може да ги контролира вашите пораки, содржината во галеријата и во најлош случај, личните податоци од најава на вашата банкарска апликација. 

Што точно значи Samsung Message Guard?

Едноставно кажано, кутија со песок што ја проверува добиената слика дали има злонамерен код, кој што може да им нашти на вашите лични податоци. На тој начин, секоја потенцијална опасност може да биде добро скриена во битовите и бајтите што ја сочинуваат сликата, и суштински се неутрализира со овој виртуелен карантин. Не е потребен влез од корисникот, затоа бидете сигурни дека ако налетате на таква штетна датотека, вашиот телефон ќе може сам да се заштити.

Првично, Samsung Message Guard ќе работи со Samsung Messages и Messages од Google, но Samsung ќе ја ажурира безбедносната апликација за да работи и со други сервиси за пораки од трети страни, во блиска иднина. Се уште немаме детали за нив, но претпоставуваме дека сервисите како што се Facebook Messenger, Viber, WhatsApp, Telegram, WeChat и Signal, сигурно ќе бидат под заштита на Samsung Message Guard.

Функцијата „Samsung Message Guard“ постепено ќе излегува на сите телефони Galaxy што работат со One UI 5.1 или поновата верзија во следните месеци.