Huawei P20 Lite: Моќен смартфон што цели кон премиум класа

Објавено на 30.05.2018 во Рецензија


Huawei P20 Lite: Моќен смартфон што цели кон премиум класа

Оцени

usability
10.0


Перформанси
10.0


Цена
9.5


Камера
10.0


резултат
9.9


Наши забелешки

Positives:

- Елегантен стаклен дизајн;
- Засек во дизајнот;
- USB-C влез и 3.5мм аудио излез;
- Квалитетен дисплеј со доволно ниво на осветленост;
- Одлична камера со бројни алатки и квалитетни фотографии;
- Добро оптимизиран интерфејс;
- Одлични перформанси;

 

Negatives:

- Висока цена;



Целата рецензија

Од три P20 модели претставени за оваа пролет, Huawei би можел да заработи најмногу од P20 Lite, кој за модерниот дизајн бара најмалку пари да извадите од џеб. Ајде да видиме детално што има под хауба и во дизајнот.

Дизајн и дисплеј

Дизајнот на Huawei P20 Lite е еден од најмоќните адути, кој не е голем како браќата, и одлично се чувствува во рака. Навистина има премиум дизајн, со засек за камера од горната страна на дисплејот, поради што изгледа фантастично.

Смартфонот навистина ќе го чуствувате како да држите премиум модел во рака, а потоа ќе се сетите дека е од средната класа. Аглите на екранот се елегантно и внимателно заоблени, така што изгледаат грациозно, заедно со рамките што се многу тенко извајани. Навистина генијално. 

Имате стаклен дизајн, кој изгледа неодоливо. USB-C имате во средината, додека од левата страна има 3.5мм аудио излез, со кого е награден само P20 Lite, додека другите P20 модели го немаат. Од задната страна двете камери се поставени вертикално, со LED блиц одоздола, додека сензорот за отпечатоци е на средина.

Huawei P20 Lite има IPS LCD екран со дијагонала од 5,84 инчи, резолуција од 1080p+ (1080 x 2280) пиксели. Неговата густина на пиксели од 432ppi обезбедува острина на сликата, за која нема да имате никакви забелешки. Боите се точни и лесно читлив е екранот кога го гледате под остар агол. Јачината на осветлувањето е одлична и за силна сончева светлина и за мрачни услови.

Камера

Huawei P20 Lite, пријатно не изненади со камерите. Од задната страна има двојна камера со 16MP + 2MP и фазен автофокус, LED блиц и снимање на видеа со 1080p. Главната камера има отвор на бленда со f/2.2 и големина на пиксели 1.0µm. Предната камера за селфи е 16MP. Двете камери имаат опција за портрети со замаглени позадини и ги обработуваат пристојно кога има доволно светлина. 

Интерфејсот на камерата е еден од најдобрите на Huawei, при што од десната страна се наоѓа копчето за одбирање на видео камерата, како и копчето за да влезете во галеријата. Од спротивната страна се нижат копчињата за свртување на предната камера, копче за вклучување на сликите што се движат, портретниот модул за снимање и софтверската контрола за широчината на блендата.

Ова последново ни се допаѓа многу. Фотографиите што ќе ги направите со P20 Lite се навистина квалитетни и во ноќно време. Бидете сигурни дека со овој смартфон ќе правите професионални фотографии и професионални видеа, со кои може да ја регулирате ISO осетливоста, должината на експозицијата, балансот на белата боја, рачното фокусирање и снимање во raw формат.

Софтвер

Huawei P20 Lite е со Android 8.0 Oreo оперативен систем и EMUI 8.0.0 кориснички интерфејс, кој доаѓа без фиокар со апликации, но ако го посакувате може да го активирате преку сетинзите. Иконките на интерфејсот се добри и апликациите се добро оптимизирани.

Заклучувањето на екранот е класично, го прикажува времето и пропуштените известувања, а отклучувањето со отпечатокот од прстите прилично е брзо и доверливо, исто како и препознавање на лицето. Кога ќе пуштите телефонот да ви го скенира лицето, знајте дека веднаш ви излегува почетниот екран. Мултитаскинг копчето ви овозможува ефикасно разделување на екранот со цел да можете да ракувате со две апликации одеднаш.

Хардвер и батерија

Во P20 Lite имате осум јадрен Kirin 659 процесор со максимален такт од 2,36Ghz. На располагање имате и раскошни 4GB RAM меморија и 64GB внатрешна меморија, за која може да се одлучите и со варијанта за проширување преку microSD картичка. Игрите Real Racing 3 и Modern Combat 5 може да ги играте без проблем, а и со други 3D игри нема да имате маки.

Батеријата со капацитет од 3000mAh е интегрирана и се менува само во сервис, ако воопшто дојде до тоа. Таа ќе биде достапна за цел ден со интензивно користење и со преку 6 часа вклучен екран. Имате Quick Charge технологија за батеријата и го полни смартфонот до 100% за помалку од 2 часа.

Заклучок

Huawei P20 Lite е навистина моќна работа и тоа со причина. Зошто? Затоа што изгледа фантастично, ви остава голем впечаток кога го држите во раката, а со својот екран нема да ве разочара, исто така и со автономијата и перформансите. Пријатно не изненади и со камерата, која е навистина солидна како за уред од ваква класа. Цената изнесува 390 евра, а за парите дефинитивно вреди. Huawei завршил одлична работа со моделот P20 Lite. Браво.

Дали ви се допадна рецензијата? Ако имате нешто да дополните ве молиме напишете коментар


За авторот

Александар Младеновски
Author Image
Дипломиран новинар, истражувач со познавања во повеќе области, практикува јога, сака да ги инспирира луѓето и да поттикне промени.



 
Најнови телефони
 
  • Watch Edition Series 3
  • Watch Series 3
  • Watch Series 3 Aluminum
  • Watch Edition Series 2 42mm
  • Watch Series 2 42mm
  • Watch Edition Series 2 38mm
  • Watch Series 2 38mm
  • Watch Series 2 Aluminum 42mm
  • Watch Series 1 Aluminum 42mm
  • Watch Series 2 Aluminum 38mm